Yosh avlodni badiiy havaskorlikka va san’atga jalb etish orqali ularda Vatanga muhabbat, milliy va madaniy an’analarga xurmat tuyg‘ularini shakllantirish, ularni har tomonlama komil inson bo‘lib yetishlariga hissa ko‘shish, madaniyat muassasalarida faoliyat yuritayotgan bolalar badiiy jamoalaridagi iqtidor egalarini qo‘llab-quvatlash, “Sog‘lom ona va bola yili” dasturi, O‘zbekiston kasaba uyushmalari Federatsiyasi Kengashi Rayosatining 2016 yil 20 iyuldagi “Istiqlol g‘unchalari” ko‘rik-tanlovini o‘tkazish to‘g‘risidagi 3-5-sonli qarori ijrosini ta’minlash maqsadida Ta’lim, fan va madaniyat xodimlari kasaba uyushmasi Yashnobod tuman Kengashi tomonidan 2016 yil 28 sentyabr kuni Madaniyat va sport ishlari bo‘limida “Istiqlol g‘unchalari” ko‘rik-tanlovi o‘tkazildi. Tadbirda madaniyat va aholi dam olish markazlaridagi badiiy jamoalarda shug‘ullanadigan 25 nafar o‘quvchi ishtirok etdi. Nizomda belgilangan nominatsiyalar bo‘yicha g‘oliblikni qulga kiritgan ishtirokchilar shahar bosqichiga yo‘llanma oldilar.
