26-29 sentyabr kunlari XMT eksperti ishtirokida Sirdaryo viloyati tumanlarida “Xalqaro Mehnat Tashkilotining 105 va 182 Konvensiyalari talablarini amalga oshirish bo‘yicha tavsiyalar ishlab chiqish” mavzusida seminar-treninglar o‘tkazildi.

Seminarlar Sirdaryo viloyati Xovos tumanidagi 9-umumta'lim maktabida, Oqoltin tumanidagi 2-umumta'lim maktabida hamda Sirdaryo tumanidagi 7-umumtalim maktabida tashkil etildi.

Seminar-treningda Xalqaro Mehnat Tashkilotining eksperti Gerasimova Oksana viloyat paxtachiligida majburiy mehnat va bolalar mehnati bo‘yicha monitoring ishlari hamda 105 va 182 Konvensiyalar xaqida ishtirokchilarga ma'lumotlar berdi.

Seminarda o‘qituvchilar, ta'lim muassasalari rahbarlari va tegishli soha xodimlari ishtirok etdi va ularning savollariga atroflicha javoblar berildi.