Shayxontohur tumanida o‘z faoliyatini olib borayotgan 1-bolalar va o‘smirlar sport maktabining izlanuvchan va malakali murabbiyi Gulnora Ortiqova bolajonlarning sevimli ustoziga aylanib ulgurgan.

Fidoyi va jonkuyar ustoz uzoq yillardan beri kelajagimiz egalariga shaxmat sirlarini o‘rgatib kelmoqda. Uning qo‘l ostida tarbiyalangan shogirdlari respublikamizning kuchli yosh shaxmatchilaridan sanaladi. Ayniqsa ular safida yurtimiz, jahon va osiyo chempionlari borligi diqqatga sazovordir.

Gulnora Ortiqova tumanda tashkil etilgan “Yilning eng faol yosh mutaxassisi” ko‘rik-tanlovining “Eng faol sport murabbiyi” yo‘nalishida munosib ishtirok etdi.