2016 yilning 6 sentyabr kuni O‘zbekiston Respublikasi davlat mustaqilligining 25-yilligi munosabati bilan “Kasaba uyushmalari – bolalarga” aksiyasi doirasida G‘allaorol tumanining 20-22-24-26 va 47-sonli hamda Paxtakor tumanining 3-8-14 va 17-sonli umumta’lim maktablarida 1-sinfga borgan bolalar uchun “Tozalik, ozodalik – salomatlik garovi” tadbiri o‘tkazildi.
Bir akademik soatli interfaol dars uslubida o‘tkazilgan ushbu tadbirlarda 1-sinf o‘quvchilarining ota-onalari, sinf rahbarlari, pedagoglar, tuman tibbiyot birlashmasi va QVPlar shifokorlari hamda kasaba uyushmalari faollari ishtirok etishdi.
Dars jarayonida bolalar bilan muloqot qilgan pedagoglar va tibbiyot xodimlari savol-javob yo‘li bilan ularga sinfda, maktabda, uylarida va jamoat joylarida sanitariya-gigiena qoidalariga rioya qilish, tozalik va ozodalik to‘g‘risida so‘zlab berishdi.
Tadbir yakunida 720 nafar bolalarning har biriga sovg‘a tariqasida kasaba uyushmalarining shaxsiy gigiena vositalari jamlamasi topshirildi.
Yangiliklar