Mamlakatimizda olib borilayotgan siyosat, yangi o‘zgarishlar ish beruvchilar, kasaba uyushmalari tashkilotlari faollari zimmasiga ham katta mas’uliyat yuklaydi.
Ta’lim, fan va madaniyat xodimlari kasaba uyushmasi Kogon tuman kengashi tomonidan tarmoq tassarufidagi tashkilot va muassasalar rahbarlari hamda kasaba uyushma qo‘mita raislari ishtirokida « Qonun ustuvorligini ta’minlash – asosiy vazifamiz” mavzusida o‘quv –seminar o‘tkazildi.
«Kasaba uyushmalari, ularning huquqlari va faoliyatining kafolatlari to‘g‘risida»gi O‘zbekiston Respublikasi Qonuniga o‘zgartishlar kiritish haqida»gi va yangi tahrirdagi «Mehnatni muhofaza qilish to‘g‘risida»gi qonunlarning mazmun-mohiyatini ish beruvchilar va kasaba uyushma faollariga yetkazish, mehnat munosabatlarini tartibga solishda jamoa shartnomalari rolini tushuntirish, tarmoq tashkilot va muassasalrida jamoa shartnomalarini to‘g‘ri tuzib, qabul qilish, jamoa shartnomasi bajarilishini ta’minlashga erishish, bu sohada ish beruvchilar va kasaba uyushma qo‘mitalarining mas’uliyatini oshirish maqsadida o‘tkazilgan o‘quv seminarni tuman kengashi raisi G.Ne’matova olib bordi.
Tarmoq kasaba uyushmasi Respublika Kengashining viloyat bo‘yicha mas’ul tashkilotchisi R.Nosirova qonunlarga kiritilgan o‘zgartirishlar, ularni faoliyatga tadbiq etish bo‘yicha vazifalar haqida batafsil ma’lumot berdi, fuqarolarning murojaatlarini o‘z vaqtida qonun doirasida ko‘rib chiqish masalasiga alohida urg‘u berildi.
Tuman kengashi raisi G.Ne’matova 2017 yil uchun jamoa shartnomalari maketlariga kiritilgan o‘zgartirishlar, jamoa shartnomasini tuzish, qabul qilish, bajarishda yo‘l qo‘yilayogan kamchiliklar, ularni bartaraf etish yo‘llari haqida so‘z yuritdi. Kogon tuman xalq ta’limi muassasalari faoliyatini metodik ta’minlash va tashkil etish bo‘limi mudiri B.Qurbonov o‘z so‘zida ish beruvchi va kasaba uyushma yetakchilarining ijtimoiy sherikchilik tamoyillari asosida faoliyatni tashkil etish, xodimlar manfaatlarini himoyalash borasidagi vazifalarni ta’kidladi.
Ma’ruzachilar seminar ishtirokchilarining savollariga batafsil javob berdilar. O‘quv –seminar ishtirokchilariga seminar kun tartibidagi barcha masalalar bo‘yicha uslubiy tavsiyalar elektron tarzda tarqatildi.
Yangiliklar