Toshkent tumanida 8 Dekabr – O’zbekiston Konstitutsiyasi kuni munosabati bilan sport musobaqasi o’tkazildi

Bugun, 6-dekabr kuni Toshkent tumanidagi 11-maktab bazasida “8 dekabr – O’zbekiston Konstitutsiyasi kuni”ga bag’ishlangan sport musobaqasi bo’lib o’tdi. Tadbirda tumanning 7 ta hududida faoliyat ko’rsatayotgan umumta’lim maktablarining erkak o’qituvchilari o’zaro kuch sinashdilar.

Musobaqa davomida qatnashchilar qizg’in raqobat ko’rsatdilar. Musobaqada 1-o’rinni Keles-Hiyobon hududi, 2-o’rinni Ko’ksaroy hududi, 3-o’rinni esa Hasanboy-Kensoy hududi terma jamoalari egalladilar.

Musobaqaning barcha ishtirokchilari esdalik sovg’alariga ega bo’ldilar. Shuningdek, musobaqaning alohida nominatsiyalari bo’yicha ham mukofotlar taqdim etildi: “G’alabaga bo’lgan intilishi yuqori jamoa”, “Eng chiroyli o’yin ko’rsatgan jamoa”, “Eng yaxshi texnik mahorat uchun”, “Eng yosh ishtirokchi”, “Eng yoshi ulug’ ishtirokchi” kabi nominatsiyalarda g’oliblar diplomlar bilan taqdirlandilar.

O’zbekiston ta’lim va fan xodimlari kasaba uyushmasi Toshkent tumani kengashi