Oqil Umurzoqovich Salimov 96 yoshda
O‘zbekiston qishloq xo‘jaligi fanlari akademiyasi akademigi, texnika fanlari doktori, professor Oqil Umurzoqovich Salimov 96 yoshga to‘ldi!
Ustoz o‘zining boy ilmiy faoliyati va fidoyiligi bilan el-yurt hurmatiga sazovor. Shu munosabat bilan, ulug‘ ustozga sog‘lik, baxt-saodat va muvaffaqiyatlar tilandi.
Ustozni tabriklash uchun O‘zbekiston ta’lim va fan xodimlari kasaba uyushmasi Toshkent shahar bo‘linmasi kengashi raisi A.Rahmonov tashrif buyurdi va samimiy tabrik so‘zlarini izhor etdi.
Boy Faoliyati
Ustoz Toshkent irrigatsiya institutida hamda Toshkent texnika universitetida rektor, O‘zbekiston Oliy va o‘rta maxsus ta’lim vaziri lavozimlarida samarali faoliyat yuritgan. U kadrlar siyosati va soha islohotlariga katta hissa qo‘shgan.
Uning mehnatlari bugungi kunda ham hurmat bilan yodga olinadi va yosh avlod uchun o‘rnak bo‘lib xizmat qiladi.
O‘zbekiston ta’lim va fan xodimlari kasaba uyushmasi Toshkent shahar bo‘linmasi kengashi
