Romitan tumanida kasaba uyushmasining hisobot-saylov yig‘ilishi bo‘lib o‘tdi

2025-yil 3-fevral kuni Romitan tuman 1-ixtisoslashgan davlat umumta’lim maktabi kasaba uyushma tashkilotining hisobot-saylov yig‘ilishi bo‘lib o‘tdi. Ushbu tadbir maktab kasaba uyushmasining oxirgi besh yillik faoliyatiga xolis baho berish, uni yanada rivojlantirish hamda yangi tarkibni shakllantirish maqsadida tashkil etildi.

Kun tartibi va muhokamalar

Yig‘ilish kun tartibidan quyidagi masalalar o‘rin oldi:

✅ Kasaba uyushma qo‘mitasining 2020-yil fevral oyidan 2025-yil fevral oyigacha bo‘lgan faoliyatiga oid hisobot ma’ruzasini tinglash va muhokama qilish.
✅ Kasaba uyushma qo‘mitasi faoliyatini baholash.
✅ Yangi tarkibni shakllantirish: rais, o‘rinbosar va qo‘mita a’zolarini saylash.
✅ Tuman kasaba uyushmasi konferensiyasiga delegat saylash.

Tadbir davomida kasaba uyushma qo‘mitasi tomonidan amalga oshirilgan ishlar, xodimlarning huquqlarini himoya qilish, mehnat sharoitlarini yaxshilash, moddiy va ma’naviy rag‘batlantirish borasidagi tashabbuslar muhokama qilindi. Hisobot natijalari yig‘ilish qatnashchilari tomonidan qoniqarli deb baholandi.

Yangi rahbariyat va delegatlar saylandi

Hisobot-saylov yig‘ilishi doirasida kasaba uyushma qo‘mitasining yangi tarkibi shakllantirildi. Maktab kasaba uyushma qo‘mitasi raisi, o‘rinbosari hamda qo‘mitaning boshqa a’zolari saylandi. Bundan tashqari, tuman bo‘linmasi konferensiyasida ishtirok etadigan delegat ham belgilandi.