Музработ тумани 19-мактабида жамоа шартномаларининг 2024 йил якуни ҳамда ҳисобот-сайловга бағишланган йиғилиш бўлиб ўтди
2025 йил 19 февраль куни Музработ туманидаги 19-умумий ўрта таълим мактабида 2023-2025 йилларга мўлжалланган жамоа шартномаларининг 2024 йил якуни бўйича йиғилиш бўлиб ўтди. Йиғилишда мактаб раҳбарияти, Бошланғич касаба уюшмаси қўмитаси (БКУҚ) ва жамоа шартномаси бажарилишини назорат қилувчи комиссия аъзолари иштирок этдилар.
Йиғилиш давомида мактаб директори жамоа шартномаларининг бажарилиши юзасидан ўз маърузаси билан иштирок этди. У мактаб жамоаси томонидан амалга оширилган ишлар, меҳнат шароитларининг яхшиланиши, ўқитувчи ва ходимларнинг ижтимоий ҳимоясини кучайтириш бўйича амалга оширилган тадбирлар ҳақида сўз юритди.
Шунингдек, БКУҚ раиси ўз ҳисоботида касаба уюшмаси томонидан ўқитувчилар ва ходимлар учун яратилган имтиёзлар, уларнинг меҳнат шароитларини яхшилаш бўйича олиб борилган ишлар ҳамда иш ҳақи, ижтимоий ҳимоя ва меҳнат ҳуқуқларини таъминлаш борасидаги чора-тадбирлар ҳақида маълумот берди.
Йиғилишда жамоа шартномаси бажарилишини назорат қилувчи комиссия аъзолари ҳам ўз ҳисоботларини тақдим этиб, шартномада белгиланган вазифаларнинг қай даражада амалга оширилгани ҳақида маълумот бердилар. Улар ўтган йил давомида мактаб жамоасига яратилган шароитлар, жамоа шартномасининг ижроси, шунингдек, келгуси йил учун режалар ҳақида гапирдилар.
Шу куни 19-мактабда ҳисобот-сайлов йиғилиши ҳам бўлиб ўтди. Йиғилиш иштирокчилари БКУҚ раиси лавозимига И. Кариевни қайта сайладилар. У ўтган йилда амалга оширилган ишлар ва келгуси режалар ҳақида сўз юритиб, мактаб жамоаси манфаатларини ҳимоя қилиш ва улар учун янада яхши меҳнат шароитларини яратиш бўйича ишлашини маълум қилди.
Йиғилиш якунида иштирокчилар томонидан жамоа шартномасини янада такомиллаштириш ва ишчи-ходимлар манфаатларини ҳимоя қилишга қаратилган таклифлар билдирилди. Шунингдек, келгуси йил учун янги вазифалар белгилаб олинди ва уларни амалга ошириш механизмлари муҳокама қилинди.
Бу каби йиғилишлар жамоа шартномаларининг ижросини таҳлил қилиш, мавжуд муаммоларни ҳал этиш ва келгуси йил учун устувор йўналишларни белгилаб олишда муҳим аҳамият касб этади.
Ўзбекистон таълим ва фан ходимлари касаба уюшмаси Музработ туман кенгаши
