O‘zbekiston ta’lim va fan xodimlari kasaba uyushmasi tashabbusi bilan 50 nafar ta’lim fidoyilariga sayohat tashkil etildi
Bugun sayohatchilar poytaxtimizning diqqatga sazovor joylarini tomosha qildilar. Shu bilan birga, Amir Temur muzeyi, Islom Karimov nomidagi ilmiy-ma’rifiy yodgorlik majmuasida ham bo‘ldilar. Toshkent bo‘ylab davom etgan sayohat ustozlarda katta taassurot qoldirmoqda.
— Bundan 4 yil avval Toshkentga kelgandim. Hozir poytaxtimiz butkul o‘zgarib, yanayam chiroyli qiyofa kasb etibdi, — deydi Bag‘dod tumani 27-maktab o‘qituvchisi Dilfuza Yangiboyeva.
— Hamkasblarimiz bilan bo‘lgan sayohatimiz mazmunli va esda qolarli o‘tyapti. Buning uchun kasaba uyushmalariga rahmat.
— Toshkentdagi sayohatimizdan so‘ng tog‘lar bag‘rida joylashgan so‘lim “Zarkent” sihatgohiga kelib joylashdik. Bu yerda yaratilgan sharoitlar a’lo darajada. Bugunning o‘zidayoq davolanishni boshladik. Kasaba uyushmalarining tashabbusi bilan mana shunday go‘zal sanatoriyda dam olib, davolanayotganimizdan hursandmiz. Bizni qo‘llab-quvvatlayotgan nufuzli tashkilot bor ekan, bor kuch-g‘ayratimiz bilan yosh avlod kamoli yo‘lida mehnat qilaveramiz.
Ayni paytda sayohatchilar “Zarkent” sihatgohida muolajalarni olib, salomatliklarini mustahkamlamoqdalar.
L. Ahmedova,
O‘zbekiston ta’lim va fan xodimlari kasaba uyushmasi Respublika kengashining Farg’ona viloyat bo’yicha mas’ul tashkilotchisi
