Китоб туманида меҳнат жамоасининг умумий йиғилиши ва касаба уюшма ташкилотининг ҳисобот-сайлов йиғилиши бўлиб ўтди
Китоб туманидаги 41-умумий ўрта таълим мактабида 2023-2025-йиллар учун тузилган жамоа шартномасининг 2024 йилдаги ижросининг муҳокамаси бўйича меҳнат жамоасининг умумий йиғилиши ва бошланғич касаба уюшмаси ташкилотининг ҳисобот-сайлов йиғилиши ўтказилди. Йиғилишда туман бўлинмаси кенгаши раиси Б. Эгамбердиев иштирок этди.
Йиғилиш кун тартибидаги масалалар юзасидан жамоа шартномасининг 2024 йилда ижроси бўйича амалга оширилган ишлар, шу жумладан, педагог ва техник ходимлар учун меҳнат шароитларини яхшилаш, ижтимоий ҳимояни кучайтириш, маош ва моддий рағбатлантириш тизимини такомиллаштириш каби муҳим йўналишлар таҳлил қилинди. Шунингдек, касаба уюшмаси қўмитасининг ҳисобот давридаги фаолиятига оид масалалар муҳокама этилди ва амалга оширилган ишларга аниқ баҳолар берилди.
Йиғилиш давомида жамоа шартномаси ижросини самарали ташкил этиш ва ишчи-ходимларнинг манфаатларини ҳимоя қилиш бўйича таклифлар билдирилди. Шунингдек, касаба уюшмаси қўмитасининг аъзолари томонидан келгуси давр учун устувор йўналишлар ва вазифалар белгилаб олинди.
Ўтказилган ҳисобот-сайлов йиғилишларида қўмита раислари сайланиб, касаба уюшмаси қўмиталарининг янги таркиби шакллантирилди. Шунингдек, туман бўлинмаси конференциясига делегатлар танлаб олинди ва касаба уюшмаси қўмитасининг ташкилий йиғилишида касаба уюшмаси қўмитаси раиси ўринбосари лавозимига янги номзод тасдиқланди.
Йиғилишда иштирокчилар томонидан жамоа шартномасини ижро этишда мавжуд муаммолар ва уларнинг ечимлари бўйича таклифлар ҳам билдирилди. Меҳнат жамоасининг умумий йиғилишида таълим сифатини ошириш, ходимларнинг ижтимоий ҳимоясини мустаҳкамлаш ва моддий рағбатлантириш масалаларида касаба уюшмасининг ролини кучайтириш борасида бир қатор таклиф ва тавсиялар илгари сурилди.
Йиғилиш якунида келгуси йиллар учун режалар белгилаб олинди ва жамоа шартномасининг самарадорлигини ошириш мақсадида амалга ошириладиган чора-тадбирлар муҳокама қилинди.
Б. Эгамбердиев,
Ўзбекистон таълим ва фан ходимлари касаба уюшмаси Китоб туман бўлинмаси кенгаши раиси
