Бойсун туманида меҳнат жамоасининг умумий йиғилиши ва касаба уюшма ташкилотининг ҳисобот-сайлов йиғилиши бўлиб ўтди
Бойсун туманидаги 4-сонли Давлат мактабгача таълим ташкилотида жамоа шартномасининг 2024 йилда бажарилиши бўйича амалга оширилган ишлар, ходимларга яратиб берилган хавфсиз меҳнат шароитлари ҳамда ўтказилаётган маданий-маърифий ва спорт тадбирлари бўйича ҳисоботлар тингланди. Йиғилишда ташкилот директори ва бошланғич касаба уюшмаси раисининг ҳисобот маърузаси эшитилди.
Йиғилишда иштирок этган ходимлар жамоа шартномасининг ижроси, ишчи-ходимларнинг меҳнат шароитларини яхшилаш, уларнинг ижтимоий ҳимоясини мустаҳкамлаш, моддий рағбатлантириш ва касаба уюшмаси томонидан амалга оширилаётган ишлар ҳақида кенгроқ маълумотларга эга бўлдилар. Шунингдек, меҳнат муҳофазаси, иш жойида хавфсизликни таъминлаш ва ходимларнинг саломатлигини ҳимоя қилиш бўйича амалга оширилган чора-тадбирлар муҳокама қилинди.
Йиғилиш давомида ташкилот ходимларининг маданий-маърифий ва спорт тадбирларидаги иштироки, уларнинг жамоа руҳиятини кучайтиришдаги аҳамияти хусусида ҳам фикрлар билдирилди. Ташкилот томонидан ўтказилган турли тадбирлар, спорт мусобақалари ва маданий кечалар таҳлил қилиниб, келгуси йилларда ушбу фаолиятларни янада кенгайтириш ва ходимлар ўртасида саломат турмуш тарзини тарғиб этишга оид таклифлар билдирилди.
Йиғилишнинг муҳим нуқталаридан бири бошланғич касаба уюшмаси раиси сайлови бўлди. Сайловлар очиқ овоз бериш йўли билан ўтказилиб, иштирокчиларнинг овозлари ҳисоблаб чиқилди. Сайлов натижаларига кўра, бошланғич касаба уюшмаси раиси лавозимига Хурсанова Маҳаррам сайланди.
Йиғилиш якунида кун тартибидаги масалалар юзасидан тегишли чора-тадбир ва қарорлар қабул қилинди. Бунда, жамоа шартномасининг ижросини янада самарали ташкил этиш, меҳнат шароитларини яхшилаш, ходимларнинг ижтимоий ҳимоясини кучайтириш ҳамда маданий-маърифий ва спорт тадбирларини янада ривожлантириш бўйича аниқ режалар белгилаб олинди. Қабул қилинган қарорлар ташкилот жамоасининг келгуси фаолиятида муҳим асос бўлиб хизмат қилиши таъкидланди.
Ўзбекистон таълим ва фан ходимлари касаба уюшмаси Бойсун туман бўлинмаси кенгаши
