Toshkent Xalqaro Vestminster universitetida Jamoa shartnomasi ijrosi hamda hisobot-saylov yig’ilishlari bo’lib o’tdi

Joriy yilning 20-mart kuni Toshkent Xalqaro Vestminster universitetida ma’muriyat va kasaba uyushma qo’mitasi o’rtasida 2023-2025-yillar uchun tuzilgan Jamoa shartnomasining 2024-yildagi ijrosi muhokamasi bo’lib o’tdi. Bunda, universitet rektori K.Karimov va kasaba uyushmasi qo’mitasi raisi A.Sobirovlarning hisobotlari tinglandi.
Shundan so’ng, universitet kasaba uyushma tashkilotining hisobot-saylov Konferensiyasi hamda jamoa shartnomasining 2024-yilda bajarilishi yuzasidan umumiy yig’ilish bo’lib o’tdi. Yig’ilishda O’zbekiston ta’lim va fan xodimlari kasaba uyushmasi Toshkent shahar kengashi raisi Abduxalil Raxmonov ishtirok etdi. Dastlab, 1-yig’ilishda jamoa shartnomasi bandlarining bajarilishi muhokama etilib, unda universitet rektori Komiljon Karimov va kasaba uyushmasi raisi Alisher Sabirovlarning hisobotlari tinglandi. Hisobotdan so’ng muzokaralar olib borilib, qaror qabul qilindi.
Shundan so’ng, 78 nafar delegatlar va boshqa taklif etilganlar ishtirokida ikkinchi yig’ilish: universitet kasaba uyushma tashkilotining hisobot-saylov Konferensiyasi bo’lib o’tdi. Mazkur hisobot-saylov Konferensiya kun tartibida 7 ta masala bosqichma-bosqich muhokama etilib, hisobotlar yuzasidan ishtirokchilarning ma’ruzalari tinglandi.
Ishtirokchilarning taklifiga binoan yopiq ovoz berish shaklida o’tgan mazkur hisobot-saylov Konferensiyasida Universitet kasaba uyushma qo’mitasi raisligiga ko’rsatilgan 2 nafar nomzodlar: Sabirov Alisher va Begimqulov Baxodirlar orasida 40 ta ovoz to’plagan Sabirov Alisher Universitet kasaba uyushma qo’mitasi raisligiga saylandi.
Yangi saylangan kasaba uyushma qo’mita raisi Alisher Sabirovning kelgusi faoliyatida omad va zafarlar tilab, yig’ilish yakunlandi.

Tadbirdan foto lavhalar

A. Raxmonov,
O’zbekiston ta’lim va fan xodimlari kasaba uyushmasi Toshkent shahar bo’linmasi kengashi raisi