Қўқон шаҳрида касаба уюшма йиғилиши бўлиб ўтди

2025 йил 25 март куни Қўқон шаҳрида Таълим ва фан ходимлари касаба уюшмаси Қўқон шаҳар кенгашига қарашли 32-ДМТТ бошланғич касаба уюшмаси ташкилотида муҳим йиғилиш бўлиб ўтди. Унда 2023-2025 йилларга тузилган жамоа шартномасининг 2024 йилда бажарилиши ҳамда 2025 йил учун қўшимча ва ўзгартиришлар киритиш ҳамда ҳисобот-сайлов масалалари ўрин олди.

Йиғилиш давомида бошланғич касаба уюшма ташкилотининг 2020 йил февраль ойидан 2025 йил февраль ойига қадар бўлган даврдаги фаолияти юзасидан ҳисоботлар тингланди. Шунингдек, касаба уюшмаси раиси ва қўмита аъзолари (дублёрлар) сайланди. Бундан ташқари, шаҳар конференциясига делегат танланди.

Йиғилишда 32-ДМТТ ходимлари, касаба уюшмаси аъзолари ҳамда масъул шахслар иштирок этди. Тадбир давомида меҳнаткашларнинг ҳуқуқлари ва манфаатларини ҳимоя қилиш, ижтимоий кафолатларни таъминлаш ҳамда келгусидаги фаолият йўналишлари ҳақида фикр-мулоҳазалар билдирилди. Шунингдек, жамоа шартномасини янада самарали амалга ошириш бўйича таклифлар муҳокама қилинди.

Йиғилишда муҳокама қилинган барча масалалар бўйича тегишли қарорлар қабул қилинди ва уларнинг ижросини таъминлаш юзасидан масъул шахсларга тегишли топшириқлар берилди.

Ўзбекистон таълим ва фан ходимлари касаба уюшмаси Қўқон шаҳар кенгаши