Islom Karimov nomidagi Toshkent davlat texnika universiteti ma’muriyat va kasaba uyushma qo‘mitasi o‘rtasida tuzilgan Jamoa shartnomasining 2024-yildagi ijrosi muhokamasi hamda hisobot-saylov Konferensiyalari bo’lib o’tdi
Joriy yilning 25-mart kuni Islom Karimov nomidagi Toshkent davlat texnika universiteti ma’muriyat va kasaba uyushma qo‘mitasi o‘rtasida 2023-2025-yillar uchun tuzilgan Jamoa shartnomasining 2024-yildagi ijrosi muhokamasi bo’lib o’tdi.
Yig‘ilishda O‘zbekiston ta’lim va fan xodimlari kasaba uyushmasi Toshkent shahar kengashi raisi Abduxalil Raxmonov ishtirok etdi. Dastlab, 1-yig‘ilishda jamoa shartnomasi bandlarining bajarilishi muhokama etilib, unda universitet rektori, akademik Sadriddin Turobjonov va kasaba uyushmasi raisi Xayrulla Zikrillayevlarning hisobotlari tinglandi. Hisobotdan so‘ng muzokaralar olib borilib, qaror qabul qilindi.
Shundan so‘ng, 47 nafar delegatlar va boshqa taklif etilganlar ishtirokida ikkinchi yig‘ilish: universitet kasaba uyushma tashkilotining hisobot-saylov Konferensiyasi bo‘lib o‘tdi. Mazkur hisobot-saylov Konferensiya kun tartibida 8 ta masala bosqichma-bosqich muhokama etilib, hisobotlar yuzasidan ishtirokchilarning ma’ruzalari tinglandi.
Kasaba uyushma qo‘mitasi raisiga saylov muqobillik asosida va yashirin ovoz berish yo‘li bilan o‘tkazildi. Ovoz berish natijalari va sanoq komissiyasining bayonnomasiga ko‘ra Konferensiyada ishtirok etgan 47 nafar delegatlardan 38 nafarining yoqlab bergan ovozlari asosida universitet kasaba uyushma qo‘mitasi raisi, qo‘mita va rayosat a’zosi etib Zikrillayev Xayrulla Fatxullayevich saylandi. Yangi saylangan kasaba uyushma qo‘mita raisi Xayrulla Zikrillayevning kelgusi faoliyatida omad va zafarlar tilab, yig‘ilish yakunlandi.
Tadbirdan foto lavhalar
A. Raxmonov,
O‘zbekiston ta’lim va fan xodimlari kasaba uyushmasi Toshkent shahar kengashi raisi
