Buxoro tumani 51-maktabgacha ta’lim tashkilotida umumiy yig’ilish bo’lib o’tdi
2025-yil 26-mart kuni Buxoro tumani 51-davlat maktabgacha ta’lim tashkilotida boshlang’ich kasaba uyushma tashkilotining umumiy yig’ilishi bo’lib o’tdi. Tadbirda 2023-2025 yillarga mo‘ljallangan jamoa shartnomasining 2024-yilda bajarilishi va 2025-yilda unga kiritiladigan o‘zgarish hamda qo‘shimchalar muhokama qilindi.
Yig‘ilishda boshlang‘ich kasaba uyushma raisi hamda maktab direktori o‘z hisobotlari bilan ishtirok etishdi. Hisobotlarda 2024-yilda amalga oshirilgan ishlar, kasaba uyushma tashkilotining a’zolarga yaratgan imkoniyatlari, ijtimoiy himoya choralari hamda kelgusi yilda rejalashtirilgan ishlar haqida atroflicha so‘z yuritildi.
Yig‘ilish davomida ko‘rib chiqilgan masalalar yuzasidan umumiy yig‘ilish qarorlari qabul qilindi. Ushbu qarorlar kelgusi faoliyatda kasaba uyushmasi a’zolari manfaatlarini ta’minlash, jamoa shartnomasining samaradorligini oshirish va kasaba uyushma a’zolari uchun qulay ish muhitini yaratishga qaratilgan.
Shuningdek, yig‘ilishda boshlang‘ich kasaba uyushma qo‘mitasining 2020-2025 yillardagi faoliyati yakunlari bo‘yicha hisobot tinglandi. Hisobotda ushbu yillar davomida kasaba uyushmasi tomonidan amalga oshirilgan ishlar, mehnat jamoasi manfaatlarini himoya qilish borasidagi chora-tadbirlar va ijtimoiy-iqtisodiy sharoitlarni yaxshilash borasidagi natijalar muhokama qilindi.
Hisobot-saylov yig‘ilishida Buxoro tumani kasaba uyushmalari kengashi raisi U.Atoyev ishtirok etdi va o‘z fikr-mulohazalarini bildirdi. U yig‘ilish qatnashchilariga kasaba uyushmalarining bugungi kundagi o‘rni va ahamiyati haqida so‘z yuritib, bu tashkilotlarning mehnatkashlar manfaatlarini himoya qilishdagi xizmatlariga alohida urg‘u berdi.
Hisobot-saylov yig‘ilishida yangi kasaba uyushma qo‘mitasi raisi, uning o‘rinbosari hamda kasaba uyushma organi tarkibi saylandi. Bundan tashqari, tuman konferensiyasiga delegatlar ochiq ovoz berish yo‘li bilan tanlab olindi. Ushbu saylov jarayoni ochiq va shaffof tarzda o‘tkazilib, jamoaning ishonchi va qo‘llab-quvvatlashi bilan amalga oshirildi.
Mazkur yig‘ilishda bildirilgan fikr-mulohazalar, qabul qilingan qarorlar va rejalashtirilgan ishlar kasaba uyushmasi a’zolari manfaatlarini himoya qilish va mehnat sharoitlarini yaxshilash yo‘lida muhim qadam bo‘ldi. Kelgusi yillarda ham bu borada samarali faoliyat olib borish maqsad qilib qo‘yildi.
U.Atoyev,
O’zbekiston ta’lim va fan xodimlari kasaba uyushmasi Buxoro tumani kengashi raisi
