O‘zbekiston kasaba uyushmalari 120 yilligi munosabati bilan Yangihayot tumanida ‘Kasaba uyushmalari – kecha, bugun va ertaga’ mavzusida esse tanlovi o‘tkazildi
O‘zbekiston kasaba uyushmalari 120 yilligi munosabati bilan “Ta’lim va fan xodimlari kasaba uyushmasi haftaligi” doirasida Yangihayot tuman tasarrufidagi 331-sonli umumta’lim maktabida tizimda faoliyat yuritayotgan pedagog-xodimlar ishtirokida “Kasaba uyushmalari – kecha, bugun va ertaga” mavzusida esselar tanlovining tuman bosqichi o‘tkazildi.
Tanlov Nizom talablari aosida umumta’lim maktablarida faoliyat yuritayotgan 22 nafar pedagog-xodimlar o‘rtasida o‘tkazilidi. Esse yozishda ishtirokchilar O‘zbekiston kasaba uyushmalari harakatining shakllanishi, rivojlanish tendensiyalari, bugungi kunda olib borilayotgan faoliyati, kasaba uyushmasi tashkilotining mehnat jamoalaridagi o‘rni, xodimlarning ijtimoiy-iqtisodiy hayotidagi ahamiyati, xususan, tashkilot va muassasalarda xodimlar uchun munosib ish sharoitlari yaratishda ish beruvchi va kasaba uyushmasi hamkorligini ifoda etish kabi jihatlarga alohida ahamiyat berdilar.
Ishtirokchilar tomonidan yozilgan esselar O‘zbekiston ta’lim va fan xodimlari kasaba uyushmasi Yangihayot tuman bo‘linmasi kengashi va tuman maktabgacha va maktab ta’limi bo‘limi bilan hamkorlikda mutaxassislar ishtirokida tuzilgan komissiya tomonidan nizom talablari asosida adolat va shaffoflik tamoyillariga amal qilgan holda baholandi. Yakuniy natijalarga ko‘ra eng yuqori ball to‘plagan 3 nafar ishtirokchi aniqlanib, O‘zbekiston ta’lim va fan xodimlari kasaba uyushmasi Yangihayot tuman bo‘linmasi kengashi tomonidan faxriy yorliq va esdalik sovg‘alar bilan taqdirlandilar.
O‘zbekiston ta’lim va fan xodimlari kasaba uyushmasi Yangihayot tuman bo‘linmasi kengashi
