Gurlan tumanida ta’lim va fan xodimlari kasaba uyushmasining yig‘ilishi o‘tkazildi
2025 yil 2 aprel kuni Gurlan tumani ta’lim va fan xodimlari kasaba uyushmasi 2-sonli kasb-xunar maktabida ma’muriyat va kasaba uyushmasi o‘rtasida 2023-2025 yillarga tuzilgan jamoa shartnomasining 2024 yilda bajarilishi hamda 2025 yilga qo‘shimchalar kiritish masalalari bo‘yicha yig‘ilish o‘tkazildi. Yig‘ilishda maktab direktori Amatova Yaxshimurod Madiyarovich va qo‘mita raisi Kamalova Yaqitjon Raximovnaning hisoboti tinglandi.
Jamoa shartnomasining bajarilishini nazorat qiluvchi komissiyaning dalolatnomasi tanishtirilib, tasdiqlandi. Shuningdek, 2025 yil uchun qo‘shimchalar kiritildi. Yig‘ilish davomida tashkilotning hisobot-saylovi ham o‘tkazildi. Yig‘ilishda maktab kasaba uyushma qo‘mitasining 2020 yil fevraldan 2025 yil fevralgacha bo‘lgan davrdagi faoliyati yuzasidan qo‘mita raisi Kamalova Yaqitjon Raximovnaning hisoboti tinglandi va kasaba uyushmasining faoliyati qoniqarli deb topildi.
Yig‘ilishda tashkiliy masalalar ham ko‘rib chiqildi. Kasaba uyushma qo‘mitasi raisligiga 2 ta nomzod ko‘rsatildi va saylovda qo‘mita raisligiga nomzod ochiq ovoz berish yo‘li bilan saylandi. Shu bilan birga, qo‘mita a’zolari tarkibi ham ochiq ovoz berish orqali saylandi.
Yig‘ilishda O‘zbekiston ta’lim va fan xodimlari kasaba uyushmasi Gurlan tuman tashkiloti konferensiyasiga delegat saylash masalasi ham muhokama qilindi. Shu munosabat bilan, tuman bo‘linmasi kengashi raisi S.Yusupov qatnashib, O‘zbekiston kasaba uyushmalarining 120 yilligiga bag‘ishlangan nutq so‘zladi. U kasaba uyushmalarining tarixi, ularning vazifalari, boshlang‘ich tashkilotlarda kasaba uyushmalari tomonidan olib borilayotgan ishlar, islohotlar va galdagi vazifalar to‘g‘risida so‘zlab berdi.
Yig‘ilishda o‘tkazilgan saylovlar, hisobotlar va tashkiliy masalalar muvaffaqiyatli yakunlandi va kelajakda kasaba uyushmasining samarali faoliyatini davom ettirish uchun zarur chora-tadbirlar belgilandi.
O‘zbekiston tumani ta’lim va fan xodimlari kasaba uyushmasi Gurlan tuman kengashi
