Ходимларни тиббий кўрикдан ўтказиш тартиби

– Иш берувчи қуйидагиларни дастлабки (меҳнат шартномасини тузаётганда) ва даврий (меҳнат фаолияти давомида) мажбурий тиббий кўрикдан ўтказишни ташкил этиши шарт МК 360-м. 1-қ.:

• ўн саккиз ёшга тўлмаган шахсларни;
• умумий белгиланган пенсия ёшига етган шахсларни;
• ногиронлиги бўлган шахсларни;
• меҳнат шароитлари ноқулай бўлган ишларда, тунги ишларда, шунингдек транспорт воситаларининг ҳаракати билан боғлиқ ишларда банд бўлганларни;
• озиқ-овқат саноатида, савдода ва бевосита аҳолига хизмат кўрсатиш
• билан боғлиқ бўлган бошқа тармоқларда иш билан банд бўлганларни;
• умумий ўрта таълим ташкилотларининг, мактабгача таълим ташкилотларининг ва бошқа ташкилотларнинг бевосита болаларга таълим ёки тарбия бериш билан банд бўлган педагог ходимларини ва бошқа ходимларини.

Бундай текширув, одатда, юқумли ва паразитар касалликлар тарқалишининг олдини олиш, касбий касалликлар, заҳарланиш ва бахтсиз ҳодисаларнинг олдини олиш мақсадида ўтказилади.

Эътибор беринг

Тиббий кўрик натижалари ходимнинг шахсий маълумотлари сирасига киради, уларни тарқатишга йўл қўйилмайди МК 175-м. 2–3-қ.қ..

Меҳнат шароитлари ноқулай бўлган ишларнинг ҳамда бажарилаётганда дастлабки ва даврий мажбурий тиббий кўриклар ўтказиладиган бошқа ишларнинг рўйхати ва ушбу кўрикларнинг ўтказилиш тартиби Ўзбекистон Республикаси Соғлиқни сақлаш вазирлиги томонидан белгиланади МК 360-м. 2-қ..

Ҳозирги вақтда 2387-сонли Ходимларни тиббий кўрикдан ўтказиш тартиби тўғрисидаги низом амалда. У ташкилотларда ходимларни дастлабки ва кейинги даврий тиббий кўрикдан ўтказиш тартибини белгилайди.

Дастлабки тиббий кўрикдан ўтмаган ходим билан меҳнат шартномасини тузиш, агар бундай кўрик мажбурий бўлса, меҳнат қонунчилигини бузиш ҳисобланади. Бунинг учун иш берувчининг айбдор мансабдор шахсига маъмурий жарима назарда тутилган МЖтК 49-м..

Тиббий кўрикларни ўтказиш мажбурияти иш берувчининг зиммасига юклатилади. Шу жумладан –қонунчиликка мувофиқ мажбурий тиббий кўрикдан ўтказилиши лозим бўлган шахслар бошқа ишга ўтказилган тақдирда ҳам МК 360-м. 4-қ..

Ходимлар мажбурий тиббий кўриклардан ўтиши муносабати билан чиқимдор бўлмайди МК 360-м. 5-қ..

Йўқ, рад қила олмайди.

Мажбурий дастлабки (меҳнат шартномаси тузилганда) тиббий кўрикдан ўтиш ходимнинг ҳуқуқи эмас, балки унинг бурчидир. Агар ходим кўрикдан бош тортса ёки мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товласа, иш берувчи уни ишга қўймасликка ҳақли  МК 360-м. 6-қ. Низом 30-б. 29.08.2012 й. АВ рўйхат рақами 2387.  

Агар ходим навбатдаги мажбурий кўрикдан ўтмаган бўлса, иш берувчи уни ишдан четлаштиришга ҳақли МК 151-м. 2-қ. 5-хатбоши. МК 360-м. 7-қ..

Ишдан четлаштириш МКнинг 153-моддасига мувофиқ буйруқ билан расмийлаштирилади.

Кўрсатилган сабабларга кўра ишдан четлаштириш даврида ходимга иш ҳақи ҳисобланмайди МК 152-м. 1-қ..

Ҳа, мумкин.

Агар ходим соғлиғининг ёмонлашиши меҳнат шароитлари билан боғлиқ деб ҳисобласа, у навбатдан ташқари мажбурий тиббий кўрикдан ўтишни талаб қилиш ҳуқуқига эга МК 360-м. 8-қ..

Мажбурий тиббий кўрикларни ўтказиш вақтида ходимнинг иш жойи (лавозими) ва ўртача иш ҳақи сақланиб қолади