Таълим ходимлари «Қувноқ стартлар»да беллашди

Ўзбекистон касаба уюшмалари фаолиятининг 120 йиллиги ҳамда 11-ноябрь – «Ўзбекистон касаба уюшмалари куни» байрами муносабати билан жойларда соғлом турмуш тарзини тарғиб қилувчи оммавий спорт тадбирларига алоҳида эътибор қаратилмоқда.

Ана шундай тадбирлардан бири Нукус шаҳрида бўлиб ўтди. Ўзбекистон таълим ва фан ходимлари касаба уюшмаси Нукус шаҳар бўлинмаси ташаббуси билан жорий йилнинг 1 ва 4-ноябрь кунлари Нукус шаҳридаги 31-сонли умумий ўрта таълим мактабининг спорт базасида «Қувноқ стартлар» (матнда «Кўнгилли стартлар» деб ҳам келган) номли спорт мусобақаси ташкил этилди.

Ушбу мусобақада шаҳар бўлинмаси таркибидаги таълим ташкилотларида меҳнат қилаётган ходимлардан иборат жамоалар ўзаро куч синашдилар.

Қизғин баҳс ва ўзаро муросасиз курашлар остида ўтган беллашувлар ходимларнинг спортга бўлган қизиқишини янада ошириб, уларнинг ғалабага бўлган иштиёқи ва жамоавий руҳини мустаҳкамлади. Барча иштирокчилар ўз жамоасининг ғалабаси учун масъулият билан, аҳил ва уюшқоқликда ҳаракат қилдилар.

Мусобақа якунида ғолибликни қўлга киритган жамоа аъзолари Ўзбекистон таълим ва фан ходимлари касаба уюшмаси Нукус шаҳар бўлинмаси кенгаши томонидан тайёрланган диплом ва эсдалик совғалари билан тақдирландилар. Ушбу тадбир нафақат байрам совғаси, балки ходимларнинг саломатлигини мустаҳкамлаш йўлидаги муҳим қадам бўлди.

Ўзбекистон таълим ва фан ходимлари касаба уюшмаси Нукус шаҳар бўлинмаси кенгаши