Vatan himoyachilari kuni munosabati bilan voleybol musobaqasi o‘tkazildi
14-yanvar – Vatan himoyachilari kuni munosabati bilan Mirzacho‘l tumani MMTBga qarashli maktablar jamoalari o‘rtasida voleybol bo‘yicha musobaqa tashkil etildi. Ushbu tadbir tumandagi ta’lim muassasalari o‘rtasida sportni rivojlantirish, xodimlar o‘rtasidagi hamjihatlikni kuchaytirish va sog‘lom turmush tarzini targ‘ib qilish maqsadida o‘tkazildi.
Musobaqada tumanning 20 ta maktabi jamoalari faol ishtirok etib, o‘zaro g‘oliblik uchun kurash olib bordi. Bellashuvlar davomida jamoalar o‘z mahoratlari va jamoaviy harakatlarini namoyon qilishdi.
Musobaqa natijalari quyidagicha bo‘ldi:
- Birinchi o‘rinni 1-maktab jamoasi egalladi.
- Ikkinchi o‘rinni 10-maktab jamoasi qo‘lga kiritdi.
- Uchinchi o‘rin esa 20-maktab jamoasiga nasib etdi.
G‘olib bo‘lgan jamoalar O‘zbekiston ta’lim va fan xodimlari kasaba uyushmasi Mirzacho‘l tuman bo‘linmasi kengashining esdalik sovg‘alari hamda MMT bo‘limining faxriy diplomlari bilan taqdirlandi.
Bunday musobaqalar nafaqat sog‘lom turmush tarzini targ‘ib etadi, balki xodimlarning birlashuvini mustahkamlaydi va ularning ishchanlik ruhini ko‘tarishga xizmat qiladi.
O‘zbekiston ta’lim va fan xodimlari kasaba uyushmasi Mirzacho‘l tuman bo‘linmasi kengashi
