Ватан ҳимоячилари куни муносабати билан байрам тадбири бўлиб ўтди
📅 2025 йил 14 январ куни Ватан ҳимоячилари куни муносабати билан Урганч давлат педагогика институтида байрам тадбири ўтказилди.
Юртимизнинг ривожланишида ҳар бир фуқаролар қаторида, сарҳадларимизни асраётган мард ва жасур юртимиз ҳимоячиларининг ўрни беқиёсдир.
Тадбирда институт ректори Феруза Мадрахимова иштирок этиб, институт жамоасини байрам билан табриклади.
Тадбирда ҳуқуқни муҳофаза қилувчи органларда ишлаб, ҳозирда УрДПИда фаолият олиб бораётган ходимлар, институтнинг профилактика инспектори ва Афғонистондаги ҳарбий жараёнлар иштирокчилари эътироф этилди. Иш берувчи томонидан уларга “Ташаккурнома” ва эсдалик совғалари топширилди.
Байрам тадбири доирасида жамоада эркаклар ўртасида спорт мусобақалари ҳам ўтказилди, ғолиблар диплом ва қимматбаҳо совғалар билан тақдирланди.
Ўзбекистон таълим ва фан ходимлари касаба уюшмаси Урганч давлат педагогика институти бошланғич касаба уюшма ташкилоти
