Ўзбекистон таълим ва фан ходимлари касаба уюшмаси Каттақўрғон туман бўлинмаси кенгаши томонидан семинар ташкил этилди
2025 йил 22 январь куни Ўзбекистон таълим ва фан ходимлари касаба уюшмаси Каттақўрғон туман бўлинмаси кенгаши томонидан тумандаги 69 та Давлат мактабгача таълим ташкилотлари бошланғич касаба уюшма раислари иштирокида «Бошланғич касаба уюшмалари ташкилотларида ҳисобот-сайлов йиғилишларини ўтказиш юзасидан» кўргазмали семинар ўтказилди.
Семинарнинг асосий мақсади бошланғич касаба уюшмалари фаолиятини ривожлантириш, ҳисобот-сайлов йиғилишларини самарали ташкил этиш, шунингдек, маҳаллий муаммоларни муҳокама қилиш ва уларга ечим топишдан иборат бўлди.
Тадбирда қуйидаги раҳбарлар ва масъуллар иштирок этдилар:
- И.С.Раҳимов – Ўзбекистон таълим ва фан ходимлари касаба уюшмаси Республика кенгаши масъул ташкилотчиси;
- Ҳ.Ражабов – Каттақўрғон шаҳар бўлинмаси кенгаши раиси;
- М.Н.Жумаев – Нарпай туман бўлинмаси кенгаши раиси;
- Б.Ҳакимов – Пахтачи туман бўлинмаси кенгаши раиси.
Семинарнинг мазмуни:
Семинар давомида иштирокчилар ўз тажрибалари билан ўртоқлашиб, ҳисобот-сайлов йиғилишларини ташкил этишда юзага келадиган муаммолар ва уларнинг ечимлари ҳақида фикр алмашдилар. Шунингдек, иштирокчиларнинг таклиф ва саволлари асосида қуйидаги йўналишларда кўрсатмалар берилди:
- Ҳисобот-сайлов йиғилишларини ҳуқуқий асосларда ташкил этиш.
- Ёш педагоглар ва аъзоларни касаба уюшмаси фаолиятига жалб этиш усуллари.
- Маҳаллий мактабгача таълим ташкилотларининг эҳтиёжларини ҳисобга олган ҳолда иш режаларини янгилаш.
Натижалар:
Тадбир қизғин баҳс ва мунозараларга бой бўлиб, иштирокчиларнинг фикр-мулоҳазалари асосида аниқ таклиф ва тавсиялар ишлаб чиқилди. Семинар якунида иштирокчиларга янги услубий қўлланмалар тарқатилди.
Ўзбекистон таълим ва фан ходимлари касаба уюшмаси Каттақўрғон туман бўлинмаси кенгаши
