Arnasoy tumanida jamoa kelishuvi va hisobot-saylov konferensiyasiga bag‘ishlangan yig‘ilish bo‘lib o‘tdi
2025-yil 30-yanvar kuni Arnasoy tuman Maktabgacha va maktab ta’limi bo‘limi binosining yig‘ilishlar zalida muhim tadbir bo‘lib o‘tdi. Ushbu yig‘ilishda O‘zbekiston Ta’lim va fan xodimlari kasaba uyushmasi Arnasoy tuman bo‘linmasi hamda Arnasoy tuman Maktabgacha va maktab ta’limi bo‘limi tomonidan 2023-2025 yillarga mo‘ljallangan jamoa kelishuvi bo‘yicha 2024-yil yakunlari muhokama qilindi. Shuningdek, tuman kengashi va boshlan’gich tashkilotlarda hisobot-saylov konferensiyasini o‘tkazishga tayyorgarlik ko‘rish masalalari ham muhokama qilindi.
Yig‘ilish kun tartibidagi asosiy masalalar:
- 2023-2025 yillarga mo‘ljallangan jamoa kelishuvi ijrosi:
- Arnasoy tuman Maktabgacha va maktab ta’limi bo‘limi hamda Ta’lim va fan xodimlari kasaba uyushmasi Arnasoy tuman bo‘linmasi kengashi o‘rtasida tuzilgan jamoa kelishuvining 2024-yil davomida amalga oshirilgan ishlari haqida hisobot berildi.
- Kutilayotgan muammolar va ularni bartaraf etish bo‘yicha rejalar belgilab olindi.
- Jamoa kelishuvi ijrosiga oid dalolatnomani tasdiqlash:
- 2024-yil davomida jamoa kelishuvining ijrosi yuzasidan Ijtimoiy-mehnat masalalari bo‘yicha komissiyaning dalolatnomasi tasdiqlandi.
- Jamoa kelishuviga o‘zgartirish va qo‘shimchalar kiritish:
- Yangi mehnat sharoitlarini inobatga olgan holda, jamoa kelishuvining ayrim bandlariga qo‘shimcha va o‘zgartirishlar kiritish bo‘yicha takliflar muhokama qilindi.
Hisobot-saylov konferensiyasiga tayyorgarlik
Yig‘ilishda shuningdek, tuman kengashi hisobot-saylov konferensiyasi, boshlan’gich kasaba uyushma tashkilotlarida hisobot-saylovlarga tayyorgarlik ko‘rish va hujjatlarni rasmiylashtirish bo‘yicha amaliy seminar tashkil etildi.
Seminarga 50 nafardan ortiq tashkilot rahbarlari va boshlan’g‘ich tashkilot raislari jalb qilindi. Seminar davomida hisobot-saylov yig‘ilishlarini Nizom asosida o‘tkazish tartibi bo‘yicha batafsil tushuntirish berildi.
Muhokamalar va natijalar
Yig‘ilish davomida ishtirokchilar tomonidan dolzarb masalalar yuzasidan savollar berildi va mutaxassislar tomonidan ularga batafsil javoblar taqdim etildi.
O‘zbekiston Ta’lim va fan xodimlari kasaba uyushmasi Arnasoy tuman bo‘linmasi kengashi
