Temuriylar tarixi davlat muzeyida akademik Karim Shoniyozovning 100 yilligiga bag’ishlangan “Elshunoslik tadqiqotlarining dolzarb muammolari” umummilliy yig’ini bo’lib o’tdi.
O’zbekiston Fanlar akademiyasi Tarix instituti tashabbusi va Institut kasaba uyushmasi qo’mitasi bilan 2024-yil 25-oktabrda Temuriylar tarixi davlat muzeyida akademik Karim Shoniyozovning 100 yilligiga bag’ishlangan “Elshunoslik tadqiqotlarining dolzarb muammolari” umummilliy yig’ini bo’lib o’tdi.
Ilmiy yig’in ochilishida Tarix instituti direktori, akademik Azamat Ziyo so’zga chiqib, akademik Karim Shoniyozovning ilmiy faoliyati va bugungi kunda elshunoslik sohasida qilinishi kerak bo’lgan masalalar haqida fikr bildirdi.
Tarix instituti «Etnologiya va antropologiya» markazi boshlig’i, tarix fanlari doktori, professor Adham Ashirov «O’zbek elshunosligining dolzarb muammolari» maʼruzasida elshunoslik sohasida erishilgan yutuqlar, mavjud muammolar va ularning yechimlari haqida maʼlumot berdi.
Ilmiy yig’in yakunida fikr almashuvlar va savol-javoblar bo’lib o’tdi. Shuningdek tadbir so’nggida Fanlar akademiyasi Birlashgan Kasaba uyushmasi qo’mitasi tomonidan yetuk olimlar rag’batlantirilib, ularga sovg’alar berildi.
O’zbekiston Fanlar akademiyasi birlashgan kasaba uyushmasi qo’mitasi
