Nukusda Konstitutsiya kuni munosabati bilan maktabgacha ta’lim xodimlari o’rtasida voleybol musobaqasi o’tkazildi
O’zbekiston Respublikasining Konstitutsiya kuni munosabati bilan Nukus shahrida maktabgacha ta’lim tashkilotlarida ishlayotgan xodimlar o’rtasida voleybol sport turi bo’yicha musobaqa o’tkazildi. Ushbu tadbirda shaharning maktabgacha ta’lim muassasalaridan tuzilgan sportga qiziqqan xodimlar jamoalari ishtirok etdi.
Musobaqa shaharning maktabgacha ta’lim tashkilotlaridagi xodimlarning jismoniy tayyorgarliklarini oshirish, sportga bo’lgan qiziqishni yanada mustahkamlash va sog’lom turmush tarziga o’tishni rag’batlantirish maqsadida tashkil etildi. Musobaqa ishtirokchilari o’z mahoratlari va sportga bo’lgan ishtiyoqini namoyish etdilar.
Tadbir yakunida g’oliblar aniqlandi:
23-sonli Maktabgacha ta’lim tashkiloti jamoasi 1-o’rinni;
39-sonli Maktabgacha ta’lim tashkiloti jamoasi 2-o’rinni;
37-sonli Maktabgacha ta’lim tashkiloti jamoasi 3-o’rinni;
25-sonli Maktabgacha ta’lim tashkiloti jamoasi 4-o’rinni egalladilar.
Musobaqa g’oliblariga O’zbekiston ta’lim va fan xodimlari kasaba uyushmasi Nukus shahar bo’linmasi tomonidan diplomlar va qimmatbaho sovg’alar topshirildi.
Shu orqali Nukus shahridagi barcha maktabgacha ta’lim muassasalaridagi xodimlar sportga bo’lgan qiziqishini yanada oshirib, ularning jamoa ishlarini mustahkamlashga xizmat qiladi.
O’zbekiston ta’lim va fan xodimlari kasaba uyushmasi Nukus shahar kengashi
