Карманада «Соғлом танда – сифатли таълим»: Устозлар спорт майдонида куч синашди
Кармана туманида «Беш ташаббус олимпиадаси» доирасида таълим муассасалари ходимлари ўртасида Касаба уюшмаси кубоги учун оммавий спорт мусобақалари бўлиб ўтди. Қизғин баҳслар якунида ғолиблар аниқланиб, вилоят босқичига йўлланмалар тақсимланди.
Жорий йилнинг 16 апрель куни Мактабгача ва мактаб таълими вазирлиги тизимидаги таълим муассасалари (мактаблар) ишчи-ходимларини жисмоний тарбия ва оммавий спортга кенг жалб этиш мақсадида «Соғлом танда – сифатли таълим» шиори остида спорт беллашувлари юқори савияда ташкил этилди.
Муросасиз ва кўтаринки руҳда ўтган мусобақаларда турли спорт турлари бўйича фахрли 1-ўринни эгаллаб, мусобақанинг вилоят босқичига йўлланмани қўлга киритган жамоалар ва иштирокчилар қуйидагилардир:
- ⚽️ Мини футбол: 21-умумий ўрта таълим мактаби жамоаси;
- 🏐 Волейбол (эркаклар ўртасида): 3-мактаб жамоаси;
- 🏐 Волейбол (аёллар ўртасида): 16-мактаб жамоаси;
- 🏓 Стол тенниси (эркаклар): 1-мактаб вакили;
- 🏓 Стол тенниси (аёллар): 3-мактаб вакили;
- ♟ Шахмат (эркаклар): 1-мактаб вакили;
- ♟ Шахмат (аёллар): 11-мактаб вакили;
- ⚪️ Шашка (эркаклар): 23-мактаб вакили;
- ⚪️ Шашка (аёллар): 2-мактаб вакили.
Мусобақа якунида ғолибликни қўлга киритган ва фаол иштирок этган барча спортчилар Ўзбекистон таълим ва фан ходимлари касаба уюшмаси Кармана туман бўлинмаси кенгаши томонидан қимматбаҳо эсдалик совғалари билан тантанали равишда тақдирландилар. Мазкур спорт байрами таълим фидойиларининг саломатлигини мустаҳкамлаш баробарида, улар ўртасида жамоавий ҳамжиҳатликни ва соғлом рақобат муҳитини янада оширишга муносиб ҳисса қўшди.
